June 5-a World Environment Day hman tur denchhenin, sawrkar laipuia Mission LiFE programme hnuaiah Ningani khan Mizoram Pollution Control Board leh District Education Office huaihawtin Aizawl leh district thenkhatah plastic bawlhhlawh thianfaiin zirlaite an hnatlang.
Aizawlah chuan zirlai 300 chuang an tel a, Chanmari leh Sikulpuikawn atangin bawlhhhlawh chhar hnatlang hi tanin, Vanapa Hall kawtah an intawkkhawm a, plastic bawlhhlawh chungchanga zirlaite hriat tur pawimawhte an sawi ho a; Saitualah zirlai 220 chuang thawkchhuakin Khawzawlah zirlai 250 an thawkchhuak. Khawchhunga hmun pawimawh hoah plastic bawlhhlawh an chhar a. Hnatlanga chhuakte hian environment tichhe lo tur leh humhim turin thu an tiam a ni.
Ningani vek khan MPCB staff-te chuan Mizoram Secretariat Complex-a office hrang hrangah kalkualin an khawl hman hluihlawn tawh (e-waste) an khawnkhawm a, Aizawla e-waste Collector Centre Karo Sambhav kutah an hlan a ni.
Hetiang hnatlang hi Mizoram hmun hrang hrangah pawh hmang tura inbuatsaih mek a ni. A lawmna pui ber hi New Delhi-ah Prime minister Narendra Modi hoa hman tur a ni.
Plastic bawlhhlawh chharin hnatlang
Get real time updates directly on you device, subscribe now.
Next Post