aimim leh thlai dang beitu pangang, Fall Army Worm (FAW) chu Mizoram district hrang hrangah a awm leh tan tawh avangin, a ven hna thawk turin Agriculture department leh Krishi Vigyan Kendras te inralring turin hriattir an ni.
Ningani khan Agriculture department hotute leh KVK senior scientist te chu minister C Lalrinsanga hoin hma an lakna leh hmalak leh na tur sawihoin an thukhawm a. Hetah hian district hrang hrangah FAW a awm leh tan tawh thu hi sawi niin, a control-na atan nasa taka hma la turin District Agriculture Officer-te leh KVK-te hriattir an ni.
Mizoram hmun hrang hranga leilet neituten awmze nei leh hlawk zawka buh an chin theihna’n district tinah Farmers Producer Organization (FPO) din nise, cabinet-in a lo pass tawh Collective Farming Policy nen a ruala kal ho nise, an ti a. FPO hi awareness neihpui a, an hlawhtlin ngei theihna’n farm mechanization lamah tha taka thuam nise, an ti.
Mizo la (cotton) – Land race variety chu a ral mai lohna’n KVK-ah ching pung se, an ti a. Department-in scheme thar a kalpui tur, agro forestry chu KVK-in kalpuiin hma la tura tih an ni a. He scheme hnuaiah hian registered nursery dinin, sum chang thei thing (quality seedlings) hmanga kuitiaha farmer-te chintir atana pek a ni ang.
Department-in OP-12 biofertilizer a siamchhuah chu a tam thei ang ber loneitute hman tura chhawpchhuah nise; kum tina thlai chi mamawh tam tak sum senga lei thin chu tualchhungah thar turin hemi kawnga an harsatna tawh thin sutkianna’n Seed Village Programme uar zawkin kalpui nise, an ti.
Fall Army Worm awm leh tan
Get real time updates directly on you device, subscribe now.
Prev Post
Next Post