PM eVIDYA DTH TV Channel

State Steering Committee on PM eVIDYA DTH TV Channel, Mizoram chu Dr. Lalzirmawia Chhangte, IAS, Secretary, School Education Department hovin 17th July, 2023 khan neih a ni.
He meeting ah hian Pi Laldawngliani Chawngthu, Director, SCERT chuan he TV Channel sawifiahna neiin 29th July, 2023 hi NEP 2020 tlangzarh champha vawi 3-na a nih denchhenin, India ram pumah a ruala hawn a nh tur thu a sawi.
PM eVIDYA DTH TV Channel hi Mizoram pawh channel panga (5) pek kan ni a, channel panga zinga pahnihte chu Phase hmasa ber atan tihchhuah tura hmalak mek niin heng channel pahnihte hi Elementary Level tan Zirna Kailawn-Learning Ladder (MZ128) leh Secondary Level tan Zirna Lamtluang-Learning Pathway (MZ129) te an ni.
MZ128 leh MZ129 channel te hi DD Free Dish DTH (MPEG-4) Set top box hmangte in en theih a ni ang. Mizoramah pawh school-a TV nei zawng zawngin an en vek theihna turin hmalak a ni.