Hlauh inzirtir ai chuan intodelh hawi ngaihtuah ila – MBJP president

hawi ngaihtuah ila – MBJP president
Hlauh tur inzirtir ai chuan hmasawnna leh intodelh lam kan hawi theih dan ngaihtuah turin Mizoram mipui a sawm tih BJP Mizoram president Vanlalhmuaka chuan a sawi.
Thenawm state dangten hmasawnna kawngah kum 10 lai min tlankhalh tawh umpha turin BJP sawrkar hmanga kan um loh chuan um phak theih a ni dawn tawh lo, tiin, Mizoram mipui chu MLA inthlan tur chu kan rama hmasawnna kan hnuhluh theihna’n hman a ngai tih a sawi a. Mizoram leh Aizawl chu Zofate Jerusalem ni turin kan intodelh a ngai a. Central-a kut dawh reng renga hun hman chu state mipuiin tihtawp kan duh chuan Mizoram BJP sawrkar tir a ngai, tiin a sawi.
State dangte buaina leh UCC emaw chu an election manifesto a ni ve dawn loa, state hmasawnna agenda – ‘Mizoram First’ chu an thupui a ni tawp dawn tih BJP Mizoram hruaitu hian a sawi a. State harsatna sukiang a, development a thlen theihna turin hma an la dawn a. Party dangte anga mipui hlauh tur inzirtir chawpin inthlan an fight ve dawn lo tih a sawi.
“Manipur state chi leh chi buaina chungchang emaw UCC chungchang a tak tak engmah la awm si lo hlauh tur inzirtir ai chuan, development kan chan theihna tur, kan ram leh kan hnam kan intodelhna tur lam hawi zawnga ngaihtuahna siam turin Mizoram mipui ka sawm a. Thenawmte leh thil awm rih lo te vei loin, mahni inchhung leh kan intodelh theihna lam hawi zawk ang,” Vanlalhmuaka hian a ti.