PM in Nigeria a Indian te chibai buk

Ram pathum tlawh tura zin mek prime minister Narendra Modi chuan pathianni khan Nigeria thlengin, Nigeria rama India mi awmte chibai a buk.
PM in Nigeria a thlen hian Indian tam tak chuan lo hmuakin, hei hi social media lamah Modi hian a dahchhuak a, Nigeria rama India mite thiltih chuan a tilawm tak zet tih sawiin, India mipuite inhmangaihna leh induhsakna nghehzia lantirna duhawm tak a ni, a ti.
Africa khawmualpui hrang hranga Indian awmte chu Nigeria-ah hian kalkhawmin, prime minister hmuahna hun hi an hmang a, mahni insengsova ram hrang hrang atanga an kalkhawm chu a thinlung takzetin a lawm thu PM chuan a sawi bawk a ni.
Prime minister hian Nigeria president Bola Ahmed Tinubu-a sawmna vanga Nigeria ram chu thleng a nih thu sawiin, ram pahnihte inkara thawhhona tha zawk a awm theihna turin inbiakna an neih dawn thu a sawi a, democracy chawi nun zelna kawngah Nigeria chu thawhpui duhawm tak a nih ngei a beisei thu a sawi.