PM Modi-a’n Bihar-ah hmasawnna project hawng

PM Modi-a’n Bihar-ah hmasawnna project hawng
Prime minister Narendra Modi chuan zirtawpni khan Bihar a tlawh a, Chhota Nagpur plateau-a tribal ten ‘bhagwan’ tia an sawi, zalenna sualtu lar tak Birsa Munda piancham vawi 150-na pual inkhawm buatsaihah a tel.
Hemi hnu hian an state khawpui atanga km 200 vela hla Jamui district-a khaw pakhatah ‘Janjatiya Gaurav Divas’ lawm turin a kal zui a, kum 2021 atang khan he ni hi hman tan a ni.
Tun tum hi sorkar-na an chan leh hnua PM in Bihar a tlawh tum hnihna niin, a hmain Darbhanga-ah AIIMS dinna tur lung a lo phum tawh bawk.
Jamui hi Jharkhand nena an ramri hmun thenkhat insem an ni a, assembly inthlan nei mai tur Jharkhand a an party mite fuihphurna chikhatah tam tak chuan an ngai bawk.
Modi tour inbuatsaihna vil tura Jamui district-a lo awm sa minister for tribal affairs Jual Oram chuan PM in cheng vaibelchhe 6,640 chuang senga hmasawnna tur project hrang hrang lung a phum thu a sawi a, he lai bialte chu an vannei zui hle dawn niin, a lo sawi tawh a ni.