PM Modi-an dawt sawi ti

On Aug 26, 2023 27 0

Congress leader Rahul Gandhi, Ladakh-a bike hmanga zin chuan August 25 khan Prime Minister Narendra Modi chu China-in Ladakh-ah Indian territory a awpah ‘dawt sawi’ ah a puh.
“Ladakh hi hmun pawimawh a ni a. Helai region hmun tin bike-in ka fang a. Pangong tso lake-ah pawh thil chiang tak pakhat awm chu China chuan India ram kilometres sang chuang a la tawh a ni. Ladakh tualchhung miten an hrechiang khawp mai. A vanduaithlak lai ber chu PM berin ram inch khat pawh kan hloh lo a ti a. PM hian thudik min hrilh lo a ni,” tiin Rahul Gandhi chuan a sawi bawk.
Rahul Gandhi chuan BJP te chuan Ladakh ram lak an tum tia sawi bawkin, “BJP te chuan Ladakh natural resources hi an hrefiah chiang a, a bik takin solar energy lama theihna a neih pawh an hria. Ladakh mite aiawh hi awm se chuan BJP te hian an ram an chhuhsak thei dawn lo a ni. BJP te hian in ram laksak che u a, Adani te project dintir an tum a ni,” tiin Gandhi chuan a sawi bawk.
Ladakh hi kum 2019 khan Assembly nei chuang lo siin Union Territory (UT) a dah a ni.
Rahul Gandhi chuan Congress chuan Leh Apex Body an duhthu sawiin leh Kargil Democratic Alliance te Sixth Schedule, Public Service Commission hran ngiat te bakah Leh leh Kargil tana parliamentary constituency hran an ngiat bawk a.
“Adani tena in rama project an din kan remti dawn lo. Congress te chuan Leh Apex Body leh Kargil Democratic Alliance te demand kan thlawp a, a bik takin ram, hna, culture leh language humhim turin a tul a ni,” tiin Gandhi chuan a sawi bawk.
Rahul Gandhi chuan tualchhung mite nena titihona an neihah unemployment epicenter a nih hial thu a sawi a. “Chuta tanga ka hriat chu tualchhung aiawh, political voice leh local leaders te rahbehin an awm a ni. Ladakh chu UT a ni chungin mipuite rights pek an ni lo. BJP tena employment an intiam chu dawtah a chang a. Communication coverage leh air services pek an intiam te chu pek an la ni lo bawk,” tiin Gandhi chuan a sawi bawk a.
Tualchhung mite chu Congress leh Gandhiji core ideology an nunpui avanga fakin, “Non-locals helai hmuna hnathawk India ram hmun hrang hrang atanga kalkhawm te chuan Ladakh chu an second home ah an ngai hial a, a chhan chu hun harsaah pawh tualchhung mi tena hmangaihna an lantir vang a ni,” tiin a sawi bawk.