PM Modi-an India dinna tan tlat

Prime Minister Narendra Modi chuan Ukraine buainaa Russia chetdan chungchanga India dinna chuan United States ah sawisel a tawk nasa lo tiin Wall Street Journal tena an interview-naah a sawi.
Ukraine indona thleng meka India in Russia laka chetlakna a nei nasa lo chungchang an zawhnaah Modi chuan, “Hetiang ngaihdan hi US ah hian a nasa vak lo” tiin a sawi.
“India dinna chu tlang hriat a ni a, khawvelin a hrethiam a ni. India in a ngaih pawimawh ber chu remna a ni tih chu khawvelin a hriat sa a ni” tiin a sawi.
Thawhlehni khan Modi chuan India chhuahsanin US a pan a, chu chu ram pahnih inlaichinna tihngheh zualna tur leh defence leh high technology lama thawkhona thuk zawk siamna tur tia sawi a ni a.
New Delhi chuan tun thlengin a thian hlui Russia chu Ukraine indona thlengah a la dem duh miah lo va, Moscow nena an sumdawn tawnna nasa zawka tipungin Russian oil te chu man man zawkin a lei char char a ni.
President Jode Biden chuan ‘free and autocratic society’ inbeihna tia a sawi mekah a bik takin China laka chungnun nan India thlawpna neih ngei tumin hma a la mek bawk thung.
Modi chuan global institution heng United States ang te chu ‘multipolar world order’ thleng nasa mekah thlak danglam a ngiat a, khawvela ram changkang leh thiltithei te tlem zawk leh thu lo zawka inrawlha siam a duh a. India chuan Security Council ah permnanent member nih a ngiat mek bawk a.
“Khawvel hian India a tel duh leh duh loh a zawt zawk tur a ni” tiin a sawi.
Modi chuan China nena India inlaichinna pawh Asian ram lian pahnih te ramri ah remna a awm chauha thleng thei tiin a sawi bawk.
India leh China te hian tun hnai kum thum chhungin western Himalaya-ah inbakkaihna nei tawhin ram pahnihah sipai nunna chan pawh an awm nual a ni.
“China nena inremna siam a, border area ah te buaina awm loh chu tihmakmawh a ni” tiin Modi chuan interview neihnaah a sawi.
“Sovereignty leh territorial integrity inzahsak hi thupuia kan neih a ni a, harsatna awm te pawh rule of law leh peaceful resolution hmanga chinfel tur a ni a. Chutihrual chuan India chuan a sovereignty leh dignity chu engtikawng pawhin a humhim ang” tiin a sawi bawk.