Mutthluk zeuh zeuh a tha zawk ti

Mutthluk zeuh zeuh hi kan thluak tan a tha hle tiin University College London researcher te chuan an sawi.
Researcher te chuan mutthluk hrat tak te thluak chu 15 cubic centimetres (0.9 cubic inches) in a lian zawk a, chu chuan kum thum atanga kum ruk velin a upa tur a veng an ti a.
Mahse, Scientist te chuan mutthlukin darkar khat aia rei lo ni se an ti thung a. Hnathawk mi tam takah chhun mut hnu insiam ngaihna a awm lo an ti thung.
“Kan rawtna zawng chu mitin hian mutthluk zeuhin hlawkna a neih zia an hriat a ni” tiin Dr Victoria Garfield chuana sawi a. An thil hmuhchhuah chu thil thar leh phurawm tak tiin a sawi bawk.
Mut sek sek hi nausen nih lai chuan thil pawimawha ngaih niin mahse mihring a upat tial tial hnuah a mut tlem tial tial a, kum 65 chin chung lama 27% te chuan chhun mut zeuh an nei thin tia sawi a ni thung.
Dr Garfield chuan chhun mut sek chu rihna tihtlak hniam leh exercise aiin a awlsam zawk tiin a sawi a. Dementia vei loh nan kan thluak hriselna pum a that a ngai a, chumi tur chuan mut that pawh a ngai a ni a ti bawk.
Mut thatloh chuan thluak tichhia in hun reiah phei chuan inflammation siamin chu chuan brain cell te ithlunzawmna tichhe thin tiin a sawi bawk a. “Hei vang hian mutthluk fo chuan mut kham loh awm thei lakah vengin chu chuan neurodegeneration tur a veng a ni” tiin researcher Valentina Paz chuan a sawi.
Mahse Dr Garfield chuan he mi avang hian hnathawhnaah mutthluk theihna tur zawnga buai tur tihna a ni lo a ti a. “Mutthluk ai chuan minute 30 exercise lak ka la thlan zawk ang” tiin a sawi thung.
Mutthluk chu thil awlsam tak a ni lo bawk a, mutthluk chuan hriselna a siamthat rualin mutkham lo siamin mutthluk belh duh zelnaa thlen thei tho an ti bawk.
Hei vang hian mutthlukin hlawkna a neih leh neih loh enfiahin mithiamte chuan hma la ta-in DNA hmanga natural experiment an nei ta a ni. Scientist te chuan kum 40 atanga 69 inkar mi 35,000 lai thlang chhuakin UK Biobank project tiin muthlu thin leh muthlu ngai lote chu an zirchiang ta a ni.
An thil hmuhchhuah journal Sleep health a tihchhuahah chuan muthlu thinte thluak leh muthlu ngai lo te thluak chu 15 cubic centimetre in a inlen hleih a, chu chu 2.6 atanga 6.5 years of aeging tiin an sawi.
“Kartawp lama mutthluk zeuh zeuh hi nuam ka tia zirchianna hmang hian mutthluk chu thatchhia tihna a ni lo tihah ka chiang a, ka thluak tana tha zawk a ni” tiin Prof Tara Spires-kJones, University of Edinburg leh president of the British Neuroscience Association chaun a sawi.