PM Modi-an Vande Bharat Train vailiam

Prime Minister Narendra Modi chuan Centre-a sorkar chak tak awm chuan States thuneihna tisangin chu chu ram tihhmasawnna atana pawimawh a ni tiin a sawi.
April 25 khan PM Modi chuan Thiruvananthapuram-ah Vande Bharath Express Train a vai liam a. Hei bakah hian railway development project thahnem tak puang bawkin Kochi Water Metro a hawng bawk a, Digital Science Park lungphum a phum bawk.
Modi hian Central Stadium-a public meeting neihnaah thu a sawi a. Chief Minister Pinarayi Vijayan chuna lawmna thuchah a sawiah cooperitive federalism chu humhim leh tihchak a ngai, a ti bawk.
Hruaitu pahnihte chuan Centre-States inlaichinna pawimawhna sawiin tun hnaia Union government chu federalism kalkana puhna leh state sorkar te power leh fiscal sovereignty chhuhsaka puhna hrang hrang karah thusawina an nei a ni.
Kum 2024 Lok Sabha inthlan hmaa chu mi lam hawia thusawina anga ngaihah PM Modi chuan Central sorkar chak tak ram pum tana thutlukna tha tak siam thei chu economic development leh social progress awm theih nana tihmakmawh a ni tiin a sawi bawk.
Modi chuan service mentality chuan Centre thutlukna a kaihruai tlat a ti bawk a. Pakhatnaah future-proof digitial leh physicial connectivity tha tak a awm theih nan investment nasa takin an ti tiin a sawi a.
“Hetiang nation-building infrastructure te hmangin rualkhai zawkin mipui ten an economic dinhmun, sakhua, hnam, community leh region eng pawh ni se hlawkna an nei dawn a ni. Mipuite inhnaih zawka siamin culture inkar tizimin Ek Bharath (one nation) concept a tichak a. Ease of living leh business hun a a lo thleng ta” tiin Modi chuan a sawi.
Modi chuan Centre chuan Kerala rail development atana sum dah chu a let ngain kum 2014-a thuneihna an chan hnu atanga tihpun a nih tawh thu a sawi bawk a.
Centre chuan rail, road leh air infrastructure, public transport leh logistics atan Rs 10 lakh crore a invest tawh a ti bawk a. Modi chuan Vandre Bharat chu thla 28 chhungin track leh signal system te titha in Kerala-ah semi-high speed rail system rinrawl ber a ni ang a ti bawk a. Vande Bharat Express Train service chu Thirivananthapuram atangin Mangalore Karnataka thleng service huam tihzauh tur a ni a ti bawk.
Modi chuan Centre chuan India thalai te thiltihtheihna pawchhuaktu leh ram tihmasawn turin youth skill development a thlurbing tiin a sawi bawk a.
Modi chuan Kerala climate, literacy, natural beauty, quality of life leh an cuisine hmingthang tak te chu a economic social dinhmun a tha zual a nih chuan khawvel nena inthlunzawm nasa tur a ti bawk a. Kerala chu development lama hmasawnna a neih chuan chhuanawm tur tiin a sawi bawk.
Modi chan tun hnaia G-20 kaihhnawih meeting Kumarakam tui kama neih chuan State chu world map ah a hlangkai tiin a sawi bawk.
“Kerala chakna hi Mann Ki Baat (All India Radio a kar tin Prime Minister radio programme) ah ka sawi lang fo a ni. Keralites te nen ram pawn ka zinin kan inkawmho fo a. Kerala hmingthanna Matta rice, spices, handicraft leh coconut oil te global ambassador ni turin mitin te ka ngen che u a ni. Local atanga khawvel tih chu he ram business slogan tur hi a ni” tiin Modi chuan a sawi bawk.
Modi chuan Thiruvananthapuram, Kozhikode, Varkala-Sivagiri, Nemom leh Kochu-Veli stations te chu tihchangltun a nih tur thu a sawi a. Railways te chuan facility awmsa te chu world class amenities nei future-proof multi-model transport hubs ah a chhuah dawn a ti bawk.
He hunah hian Kerala Governor Arif Mohammed Khan, Chief Minister Pinarayi Vijayan, Union Minister for Railways Ashwini Vaishnaw, Union Minister of State for External Affairs V. Muraleedharan, Minister for Fisheries Abdu Rahiman, Transport Minister Antony Raju leh Shashi Tharoor, MP te pawh an tel a ni.