PM Modi hovin security meeting nei

Prime Minister Narendra Modi chuan Cabinet Committee on Security meeting neihpuiin member zingah Home Minister Amit Shah leh Defence Minister Rajnath Singh te pawh an tel.
Meeting neihna chhan hi tun hnaia Jammu and Kashmir a terror attack hluar vang niin J&K Doda district-ah firfiak te nena inbeihna a la thleng zui zel a. Army personnel pali in nunna an chan phah tawh a ni.
Thla kalta pawh khan PM Modi hovin Jammu and Kashmir chungchangah review meeting neih a ni tawh bawk a.
PM Modi chuan firfiak te beiletin counter-terror lam thiam armed forces full deployment tirlut turin a ti, tia sawi a ni bawk a.
J&K Police te chuan tun hnaia firfiakte chetna hluar zelah major operation an nei mek bawka. J&K ah hian tun hnai thla 32 chhungin Army personnel 48 in nunna an chanphah tawh a ni.
Police te chuan firfiakte lo pui ru thin mi thahnem tak man an ni tawh tia sawiin intelligence report hmangin paramilitary leh army troops te chuan beihpui an thlak mek an ti bawk.
Thawhtanni tlai khan Doda a inbeihnaah Army personnel paliin nunna an chan a. A hma lawkin Kathua-ah sipai panga kahhlumin an awm bawk.
Thla kalta khan Jammu & Kahsmir-ah sipai paruk in hliam taurin civilian pakua laiin firfiak tena Reasi a pilgrims bus an beih avangin nunna an chan tawh bawk a, mi 33 in hliam an tuar bawk.