March 5 zan khan Mizoram ramria duty IR police chuan a police pui mi pahnih a kaphlum.
Thudawn danin, Pathianni zan dar 6.30 vel khan Assam lam ramri bulhnai, Buarchep hmuna 2nd MAP duty zing ami havilder Bimal Kanti Chakma leh havilder J Lalrohlua te chu an riahbuk chhungah an inhnial buai a, Bimal hian a silai chuhin J Lalrohlua hi a kap ta mai a, an bulhnaia lo thu ve havilder Indra Kumar Rai pawh silaimu hian a deng fuh tel a ni. J Lalrohlua hi a hmunah a thi nghal a, Indra Kumar Rai hian hliam na tak tuarin Vairengte damdawi in thlenpui a nih hnu lawkah a hliam tuar loin a thi ve leh a ni.
Mi pahnih kaphlumtu Bimal Kanti Chakma hi man niin Aizawl lam panpui nghal a ni a. Thudawnna pakhat chuan Bimal hian zu a rui niin a sawi.
Police-in police kaphlum
Get real time updates directly on you device, subscribe now.
Prev Post