Rinhlelh mi pathum man

Hnahthial district Tuipui D khuaa mahni khawsa pa pakhat thihna chungchangah pawikhawihtu nia rinhlelh mi pathum chu police-ten thu zawhfiah turin an hreng mek.
Thudawn danin, kumin February 24 zing khan H Chungnunga (91), Tuipui D chu a chenna in, a bedroom-ah hliam na tak tuara hmuh a ni a, a taksa hliam awmdan enin mi kut tuar a nih rin a ni. Pawi-khawihtu hian in a rawk zui bawk nia hriat a ni.
H Chungnunga hi Hnahthial District Hospital-ah enkawl a ni a, February 19 zing khan a hliam tuar loin a thi a ni.
Mi kut tuar ngei nia rin a nih avang hian Hnahthial Police-ten chhuizui nghalin, an chetvelna atanga ena rinhlelh theih nia hriat mi pathum chu Pathianni, March 5 zing khan police-te hian thu zawhfiah turin an la a, Darzo leh Tuipui D mi an ni.