Police-in ruihhlo tiral
Khawzawl Police-in an man cheng vaibelchhe khat chuang hu heroin chu Inrinni khan tihral a ni.
Ruihhlo hi Mizoram director general of police Devesh Chandra Srivastva chuan a halral a. Krishi Vighyan Kendra (KVK) incinerator Khawzawla halralnaah Khawzawl district chu Myanmar nena inrina bulhnaia awm a nih avangin ruihhlo do kawngah leh dan phal loh thil chi hrang hrang tawlhruk do kawngah tan lak a tul tih a sawi a. Khawzawl Police-in ruihhlo do kawnga hma an lakna chu fakawm a tih thu leh YMA nen tha taka an thawkho chu lawmawm a tih thu a sawi.
Heroin an halral hi gram 287.24 (hawng 23) a ni a, tualchhunga an zawrhna anga chhutin cheng nuai 11.5 hu nia chhut a ni.
Sawrkar laipuiin khawpui chhunga awm police station tihchangtlun a tum zingah Khawzawl Police Station pawh tel tura ngaih a ni tih DGP hian a sawi a. Sawrkarin cheng vaibelchhe 2 a pek atangin Khawzawl district-in an inthawmthatna tur sum engemawzat an hmuh ve tur thu leh an sum hmuh hmanga hna an thawh hunah hna tha ngaipawimawh turin a chah.
MLA inthlanpui atan police inbuatsaih chhoh a tul thu leh political party chungchangah mimal ngaihdan leh tan zawng an nei a nih pawhin sawichhuak lo tur leh, an hnathawhnaah lantir lo turin a chah a. Mamit leh Kolasib-a kuthnathawktuten kuhva tawlhruk an tuar nia sawiin, state sum pawh a nghawng pha tih a sawi a ni.
Police-in ruihhlo tiral
Get real time updates directly on you device, subscribe now.
Next Post