US consul general-in CYMA kawm
Consulate General of the United States of America, Kolkata Melinda Pavek leh amah tawiawmtute chuan Pathianni tlai khan Central YMA hruaitute a kawm.
Mizoram leh Mizo hnam tana YMA hnathawh hrang hrang an lo hrilhfiah a. US consul general chuan YMA hnathawh leh an pawl inkaihhruai dan chu ropui a tih thu sawiin, Mizo thalaite leh American thalaite kawng hrang hranga thawhho dan tur a lo ngaihtuah tur thu te, ei leh bar zawnna kawnga inzirtirna tha neih a ngaihpawimawh thute a sawi. India mite tana US Mission hrang hrang chu YMA hruaitute hnenah hian a hrilhfiah a. International Youth Leader Exchange programme hnuaiah YMA hruaitute nena thawh ho theihna a awm thu tem, tunhma pawhin YMA hruaitu mi pathum chu US-ah leadership training an lo neihpui tawh thu leh chhunzawm dan turte a sawipui a ni.
Central YMA hruaitute chuan US consul general hi YMA Inkhawmpui Lian, kumin October 24-26 a Biate-a neih turah tel turin an sawm a, a ni pawhin a hman chuan US thalai mithiamte nen tel ngei a duh thu a sawi a ni.
US palai hi Mizoramah a cham rih dawn a, Mizoram University-ah te hun a hmang dawn a ni.
US consul general-in CYMA kawm
Get real time updates directly on you device, subscribe now.
Prev Post
Next Post