Ni hnih kalta chhung khan Police leh Excise & Narcotics Department chuan hmun thumah a vaia belhkhawmin heroin kg. 2.49 an man.
Excise & Narcotics Department leh Assam Rifles chuan an thudawn bawhzuiin June 21 zan 11.50 khan Serkawn Lungleiah heroin kg. 1.13 (hawng 79) leh a neitu nia puh mi panga – Lalrinmawia (49) Electric Veng Lunglei, Lalramthara (29) Ramhlun North Aizawl, Lalrintluanga (42) Farm Veng Lunglei, Helen Rozamliani (44) Electric Veng Lunglei leh Lalthianghlimi (32) Electric Veng Lunglei nia inchhalte an man. Heroin phurhna atana hman Bolero pik-up AS 11 DC 6129 pawh hren niin, an vai hian ND&PS Act tlawhchhanin thubuai siamsak an ni.
June 21 Mizoram Police leh Assam Rifles chuan Ngopa huamchhungah heroin gram 79 an man a, a neitu nia puh Lalchhuan-awma leh Vaninmawia, Ngopa khua ve ve nia inchhal an man tel. June 20 zan khan Champhai Police-in heroin gram 57 an man bawk a, a neitu nia puh Ramthianghlimi (35) chu manin, heroin vanga mante hi ND&PS Act hnuaiah thubuai siamsak an ni.
Police leh END-in heroin man
Get real time updates directly on you device, subscribe now.
Next Post