Police ten Imran Khan man an tumna hlawhchham

Pakistan-a opposition leader Imran Khan chuan amah man a nih theih nan thuneitute chuan dan bakin chet an la tiin a sawi a.
“Ram dan zawm vek tur an ni” tiin a sawi zui bawk a. Khan-a thlawptute leh police te chu man an tumna lamah an intibuai nasa a ni.
Imran Khan hi prime minister a nih laia ram dang te thil pek ama ta anga neiah puh niin amah puhna erawh phuahchawp leh politics a intihchhiat tumna tiin a sawi ve thung.
Lahore-a a chenna in atanga police ten man tuma an beihnaah amah thlawptu mi tam tak te pungkhawmin police te nen an inbeih phah a ni. Police officer-te chuan tear gas te an hmang hial a ni.
Kum 70-a upa Imran Khan chuan Inrinniah amah man kher lovin Islamabad court-ah a inlan tur thu a intiam a. Tun hnaiah amah thah tuma tum hnih beihna tawk tawhin chungte chu court kalna lamah vek a ni, a ti bawk a.
Imran Khan chuan Inrinni thlengin protective bail a lak avangin police tena an man kher a ngai lo a ti bawk a. Sorkar chuan lung ina khung hrim hrim a tum vang mai a ni, a ti bawk.
Pakistan-in inthlan a hmachhawn mai turah sorkar chuan inthlana a chuh ve theih loh nan leh a party-in an chuh ve theih loh nana hma la an nih thu sawiin, “Lung inah ka tang emaw tang lo emaw ka party te hian chakna an chang dawn hrim hrim,” tiin a sawi bawk.
Government minister Marriyum Aurangzeb thung chuan sorkar hmalakna chu inthlan tur nena inkaihnawihna nei lo ti thungin court thupek zawma police leh sorkar chu hma la mai an nih thu a sawi thung a.
Imran Khan chuan an party worker te hmeichhia leh naupangte chu man a nih loh nana inphenna tura pen chhuak turin a ti a ni a ti ve thung.
Imran Khan hi nikum November thla khan rally a neihnaah kahhlum tuma beih tawh niin a ke ah an hliam hlauh thung a ni.