Polling party-te chhuak

District dang ang bawkin Khawzawl, Saitual, Hnahthial leh Siaha district-a Assembly bial inthlana duty tur polling party-te chuan Thawhtanni khan an duty-na hmun tur an pan.
22-Tuichang (ST) Assembly biala polling station 28-a duty tur polling party-te chu Khawzawl atangin an bungrua nen an polling station enkawl tur lam panin an chhuak.
Saitual district-a Assembly bial pathum 9-Tawi, 8-Chalfilh leh 21-Lengtenga polling station 80-a duty tur polling party-te chu Saitual atangin an chhuak a. Hnahthial district-a awm 29-South Tuipui Assembly biala polling station 27-a duty tur polling party-te pawh an chhuak a. Polling station hlat zawng azirin team 4-a then an ni a, team tin hi District Reserve Force (DRF) te venhimna hnuaiah an time slot pek ang theuhin an chhuak a ni.