Post Malone & Morgan Wallen ‘I Had Some Help’ a Hot ber

Post Malone ‘I Had Some Help’ featuring Morgan Wallen chu Billboard Hot 100 (singles) chart No.1-ah a debut a, Post Malone tan he chart-a a hla No.1 kai thei parukna a ni a, Morgan Wallen tan a pahnihna a ni ve thung.
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan kar khat chhunga all-genre US streaming (official audio leh official video), radio airplay leh sales data te chu tehna pawimawh a ni.
‘I Had Some Help’ hian stream maktaduai 76.4 neiin, kar khat chhunga US-a hla stream nasat ber record a rawn a siam a, a maa he record siamtu chu Taylor Swift ‘Fortnight’ kha niin, he hla hian kar khat chhungin stream maktaduai 76.2 a nei thei a, chumi hma leha record siamtu chu Olivia Rodrigo ‘Drivers License’ kha niin, kar khata stream maktaduai 76.1 a nei ve thung.
‘I Had Some Help’ hian streaming bakah radio airplay-ah pawh ngaithlatu maktaduai 31.1 a nei thei a, sales 69,000 a tling bawk a, hei hi chart-ah a No.1 pui ta a ni.
‘I Had Some Help’ hi Hot Country Songs Chart-ah pawh No.1 niin, Wallen hian Glen Campbell, John Denver, Dolly Parton, Kenny Rogers leh Taylor Swift te record nih rualin, a ruala Hot 100 leh Hot Country Songs Chart-a hla pakhat, tum khat aia tam No.1 pui thei ve ve a ni ve ta. A ruala Hot 100 leh Hot Country Songs Chart-a No.1 ni thei hi hla 25 chiah a la awm a, kum 2000 hnuah chuan hetiang ti thei hi hla pasarih chiah a la awm.
He hla hi hla thupuia ‘Help’ tih thumal telna he chart-a tun kum 30 chhunga No.1 kai thei awm chhun a la ni a, July 1993-a UB40 hla, ‘Can’t Help Falling in Love’ hnua a thupuia ‘Help’ tih telna hla he chart-a No.1 leh thei hmasa ber a ni.
Kendrick Lamar ‘Not Like Us’ chu No.1 atangin No.2-ah a tawlh a, he hla hian stream maktaduai 70.9 leh radio airplay-ah ngaithlatu maktaduai 12.4 a la nei thei.
Tommy Richman ‘Million Dollar Baby’ chu No.2 atangin No.3-ah a tawlh a, Benson Boone ‘Beautiful Things’ chu No.9 atangin No.5 a kai thar leh a, chart No.1 hlui Teddy Swims ‘Lose Control’ chu No.10 atangin No.6 a kai tar ve leh ta bawk.
Chart No.1 hlui Future, Metro Boomin leh Kendrick Lamar ‘Like That’ chu No.6 atangin No.7-ah a tawlh a, chart No.1 hlui bawk Taylor Swift ‘Fortnight’ featuring Post Malone chu No.4 atangin No.8-ah a tawlh a, Sabrina Carpenter ‘Espresso’ chu No.8 atangin No.-ah a tawlh a, chart No.1 hlui Hozier ‘Too Sweet’ chu No.1 atangin No.10 a kaithar ve leh ta bawk.