Post Malone & Ty Dolla $ign ‘Psycho’-in 1B view a kai

Post Malone leh Ty Dolla $ign te hla ‘Psycho’ music video chuan YouTube-ah vawi tluklehdingawn en a hlawh ta a, Post Malone tan YouTube-a music video vawi tluklehdingawn en hlawh theih panga a neihna a ni ta.
He video hi khawvel chhiat tawh hnu anga siam a ni a, Malone chu army-size tank khalhin a kal kual a, hnawmhnawk leh thil tawih tam tak an chhek khawlna, ramsa te an zik huai huaina hmunah a inkhalh thleng ta a ni. A hnuah naupang bo, sambuang thar leh mitmeng paw ram mai a tawng a, a bo ta daih lehnghal. Churah hmun dangah Ty Dolla $ign a rawn lang ve leh a, an pahnih hian vur ram niawm takah sahmul kawr nen an inlan a, an kiangah chuan thlawhtheihna chhia te pawh a hmuh tur a awm.
Post Malone music video ‘Sunflower’ chuan YouTube-ah vawi tluklehdingawn hnih en a hlawh tawh a, a video dang ‘Congratulations,’ ‘White Iverson’ leh ‘I Like You (A Happier Song)’ ten vawi tluklehdingawn en an hlawh theuh tawh bawk.
‘Psycho’ hla hi he rapper 2018 album ‘Beerbongs & Bentleys’ atanga a single pahnihna a ni a, Billboard Hot 100 chart-ah No.1 kaiin, Post Malone hla he chart-a No.1 kai thei hmasa ber a ni a, a album pawh hi Billboard 200 (albums) chart-ah kar thum chhung No.1 thei bawk.