ADMACS-in khawmpui hmang
Mizorama Primary Agriculture Credit Society (PACS) zing ami, Aizawl District Agriculture Credit & Marketing Cooperative Society Limited (ADMACS) chuan Zirtawpni khan Aizawl Press Club-ah annual general assembly an hmang.
ADMACS Ltd hi kum 1982-a dan anga din niin, tunah hian share holder 68 an awm a ni. An hmalakna kalmekah Tachhip ramah tin 3/4 hmun ram an neihah agriculture, piggery leh poultry project kalpui an tum a. Kum 2019 atanga kalpui an tum, Covid leng vanga kum 2021 atanga an tan credit institution an kalpui a. Cash annual report an buatsaih hun, thla 8 chhungin income Rs.1,86,51,521 an nei hman a, chhungkaw 84 hnenah eizawnna bul tanna loan cheng nuai 70 chuang pe chhuak tawhin, loan recovery pawh cheng nuai 20 chuang a ni tawh.
Credit institution an kalpuiah hian deposit scheme hrang hrang – saving deposit, recurring deposit, pigmy leh fix deposit te neiin, account hawngtu mi 700 chuang an nei tawh. Member Development Scheme-ah cheng nuai 20 ruahmanna chu tun Assembly hian a pawmpui a ni.
ADMACS-in khawmpui hmang
Get real time updates directly on you device, subscribe now.