President Biden-a Committee on the Arts and the Humanities co-chair tur Lady Gaga
White House chuan niminpiah khan US President Joe Biden-a’n Committee on the Arts and the Humanities co-chair atan Lady Gaga a ruat thu an puang. He committee-ah hian Hollywood producer leh Oscar pawh dawng tawh Bruce Cohen nen co-chair an ni dawn a, Kerry Washington, Jon Batiste, George Clooney, Jennifer Garner, Troy Kotsur, Shonda Rhimes leh Marta Kauffman te pawh committee member zingah an tel.
He committee Twitter account-ah chuan, “President’s Committee on the Arts and the Humanities member thar @BruceCohen83 leh @ladygaga te kaihhruai tur member thar te kan lo lawm a che u. Ram chhunga arts, libraries, museum leh humanity tana ke pen a, a tha zawnga nghawng nei ngei tura thawh ho thuai thuai a chakawm hle mai,” tiin an tweet.
Gaga pawh he chanchinthar leh a appointment hi retweet ve lehin, “@POTUS @PCAHgov ka lawm e,” a ti ve bawk.
PCAH hi 1982-a executive order hmanga din a ni a, cultural policy-a US President thurawn petu tur an nih bakah arts, humanities leh museum leh library hmasawn nana sorkar policy duangtu tur an ni bawk.
President Biden-a Committee on the Arts and the Humanities co-chair tur Lady Gaga
Get real time updates directly on you device, subscribe now.
Prev Post
Next Post