Loneitute tan tui verh sak
PMKSY-Har Khet Ko Pani project kaltlanga siam, Mizorama buh leh thlai chawmna’na leihnuai tuiverh hmalakna (Ground Water Irrigation Project – GWIP) hmasa ber tur Tuipui (Mualbuhvum) GWIP chu Zirtawpni khan Irrigation & Water Resources minister C Lalrinsanga’n a hawng.
Mizoramah leihnuai tui chim chin a that avangin hmalakna awmchhun a hlawhtling deuh zel chu lawmawm a tih thu I&WR minister hian a sawi a. Leihnuai tui verh chhuah chu sawrkar hriatpui loha duh dan dana kalpui ngawt theih a ni lo tih sawiin, “Hemi venna’n hian dan duan mek a ni a,” a ti.
Ruahtui van tla, a sur dan, leilunga hip luh leh luanral dan, boruak hnawm dan leh thli kaldan, ni sat dan leh lui tui luang zatte zirchianna National Hydrology Project – Real Time Data Acquisition System (RTDAS) Mizoram hmun 53 ah bun a nih thu leh 6 dang bun mek a ni a. Hei hian tui neih dan leh hman tangkai dan tur thlengin a pui thei dawn. Champhai leh a chhehvelah hian RTDAS pathum dah a ni.
India ram hi khawvela leihnuai tui tling (groundwater) hmang nasa ber a ni a. A hmanna tam ber, zaa 89 hi irrigation sector a ni. Mizoramah chuan irrigation atan groundwater hman a la ni meuh loa, tunah hian a vawikhatna atan GWIP 13 kalpui a ni a; senso zawng zawng zaa 90 hi sawrkar laipui Department of Water Resources RD&GD, Ministry of Jal Shakti-in a tum a, zaa 10 state-in a tum thung. Heng project 13 thawhna’n hian cheng nuai 1604.89 ruahhman a ni a. Sum ruahman zawng zawng hi sanction kim a la ni lo nain, project 4 thawh zawh tawh a ni. Tuipui GWIP hi a hmasa ber atana hawn a ni.
Tuipui (Mualbuhvum) GWIP atana sum ruahman hi cheng nuai 99.10 a ni a. A chawm tur ram zau zawng hi hectare 31 niin, chhungkua 52-in chhawr thei tura beisei a ni.
Loneitute tan tui verh sak
Get real time updates directly on you device, subscribe now.
Prev Post