ZPM Thalai chuan Aizawl South-I bial huamchhunga SASCE (Special Assistance to States for Capital Expenditure) atanga hna thawh dan an zirchiannaah thil dik lo a awm nia ngaiin June 27 khan Lok Ayukta-ah complaint an thehlut.
ZPM Thalai Hqrs. in Lok Ayukta-a complaint an thehluha an tarlan danin, Aizawl South-I bial huamchhungah SASCE hnuaiah hna hlawm hrang pathum, a vaiin cheng nuai 811 chu hna hrang hrangah thensawm a ni a. Heng hna kalpui danah hian thil fel lo a awm niin an hria a; a project nena inmil lo hna tam tak a awm a, a taka hmuh tur awm lo hna sanction a awm nia hriat a ni tih an thlen.
An hriat theih chinah College Veng to PU College to Bethlehem Vengthlang Kawn-a concrete pavement siam tur, tih chu khawtlang hruaituten hna thawhna hmun an hre lo tih an sawi.
Hna thawktu tura tih Mizoram PWD-in thawk loin MNF party worker-te induhsakna atan hman nia an hriat thu ZPM Thalai hian sawiin, ‘Hei hi dan bawhchhiatna a ni a. SASCE hi ram hmasawnna hna rotling tak thawhna tura ruahman a nih laiin, sum siamna atan mai maia hman niin kan hria a, sum hmanna felfai lo awmte chhuichhuak a, a mawhphurtute chungah rorelna dik tak lek a nih teihna turin FIR kan rawn thehlut a ni,’ an ti. Document an neihte an thil tel tih an sawi a ni.
SASCE hnuaia sum hman dan chhui turin Lok Ayukta pun
Get real time updates directly on you device, subscribe now.
Prev Post