Pro pastor-te hriat tur inhrilh

Pro pastor-te hriat tur inhrilh
Mizoram Presbyterian Kohhran hnuaia probationary pastor-te tan January 27-30 chhung khan Synod Conference Centre Mission Vengah orientation programme neih a ni.
Orientation programme hawnna inkhawmah Synod moderator Rev. John Raldosanga’n inlawmna leh keynote address a sawi a. Subject hrang hrang – kohhran inrelbawlna chungchang, Pathian biak inkhawm, social media hman chungchang, Synod sum vawn dan, Synod Rules & Regulation leh rawngbawlna atana tangkai tur thupui hrang hrang mithiamten an zirtir. January 30 zanah Synod Officers’ Meeting nen inkawmin, programme hi khar a ni.
Tun tum orientation programme-ah hian pro. pastor 16 an tel a. Mission Field hnuaia pro. pastor-te chu Field secretary kaihhruaiin anmahni huamchhungah orientation an nei thung. Pro. pastor orientation hi pro. pastor lak tharte tan kumtina buatsaih thin a ni.