Pro tem Speaker ah Bartruhari Mahtab

President Droupadi Murmu chuan Cuttack atanga MP tum sarih ni thei Bhartruhari Mahtab chu 18th Lok Sabha a pro tem Speaker atan a ruat tuiin Parliamentary Affairs Minister Kiren Rijiju chuan a sawi.
Mahse Opposition leader te chuan Narendra Modi sorkar chu tihthin dan phung pangngai anga senior-most leh tum riat MP ni tawh Kodidunnil Suresh a ruat lo chu an sawisel thung.
“President chuan Shri Bhartruhari Mahtab, Member, Lok Sbha chu Speaker Protem atan Article 95(1) of the Constitution behchhanin Speaker thlan fel a nih hmaa Speaker duty ti turin a ruat” tiin Rijiju chuan X ah post a siam zui a ni.
18th Lok Sabha member thlanthar te chuan pro tem Speaker kaihhruaina in thuriam an la dawn a ni. Rijiju chuan Mahtab chu chairperson hrang hrang Suresh, DMK leader T.R. Baalu, Trinamool Congress leader Sudip Bandyopadyay, leh BJP leaders Radha Mohan Singh leh Faggan Singh Kulaste ten an tawiawm ang a ti bawk.
Congress leader Jairam Ramesh chuan convention ang chuan MP term chelh rei ber chu pro tem Speaker atana ruat a ni thin a ti a. “18th Lok Sabha a MP senior ber chu Kodikunnil Suresh (INC)” leh Virendra Kumar (BJP) te niin an pahnihin term 8-na an hmang mek a ni. A hnuhnung zawk hi Union Minister a nih avangin Kodikunnil Suresh chu Speaker Protem ni mai tura beisei a ni a. Mahse, term 7 MP ni tawh Bhartruhari Mahtab chu Speaker Protem atana ruat a ni ta zawk a ni. Biju Janatal Dal MP term 6 a ni a, tunah erawh BJP MP a ni thung” tiin Ramesh chuan a sawi.
Parliamentary Affiars Minister ‘tihsual hmasak ber’ tiin Congress MP Manickam Tagore chuan sawi bawkin, “minister hian eng emaw a tum le” tiin zawhna a siam bawk a.
“Kan party tan chuan K Suresh an MP term 8 a chelh thei hi kan lawmin kan chhuang em em a. Sorkar hian eng vangin nge K Suresh enkana pro tem Speaker ni tura a disqualified na chhan hi sawifiah rawh se” tiin Congress general secretary (organisation) K.C. Venugopal chuan a sawi.