Inter Milan thuam inbel chunga Coppa Italia title pahnih leh Serie A title pakhat sualchhuak tawh Milan Skriniar chu Paris St-Germain lamah free agent ni chungin a lut a, Ligue 1 giants hian kum nga chhung atan inremna an ziahpui.
Slovakia international defender hian Inter tana kum nga a khelh chhung-in 2020-21 season-ah khan San Siro luahtu team pakhat zawk chu Italian top flight-ah a champion-pui a; PSG-in an manager thar atana ex-Spain boss Luis Enrique an lakluh tuk lawkah kum 28 mi hi an senglut ta a ni.
Skriniar chuan a club that fakin, French club chu khawvela team khawng berte zinga pakhat a nih thu leh world-class player rual baka fans phurpui tham nei club an nih thu a sawi a, chutiang club mak leh ropui a zawm thei lawmawm a tih thu a tarlang tel.
Slovak defender Skriniar hi Premier League club pahnih Tottenham Hotspur leh Liverpool nen pawh sawizawm a ni chungin Paris a pan ta a ni.
PSG-ah Skriniar lut
Get real time updates directly on you device, subscribe now.
Prev Post
Next Post