PTS ah mi 279 training mek

Mizoram sawrkarin police boral tawh te aia a lak (compassionate appointment) police atana chher mi 279 chu Mizorama police training-na hmunpui, Police Training School Thenzawlah training mekin kumin December hian an training zo dawn.
Mizoram Journalists’ Association chuan Zirtawpni khan Thenzawla Police Training School (PTS) hi an tlawh a, an principal Ruatsanga Ralte, MPS chuan lo dawngsawngin PTS-in hlawhtlinna a chan tawh hrang hrang a lo hrilh a. He hmun atang hian mi 16311-in tha takin training an lo paltlang tawh a ni.
Kum 1973 khan 1Bn MAP Training Wing hnuaiah Police Training Centre kalpui a nih hnuin kum 1986 khan training centre puitlingah hlankai a ni a. Kum 2011 khan PTC chu Lungverh atangin Thenzawlah sawnin, kum 2012 khan Police Training School-a hlankai a ni.
PTS hmunhma hi Mizorama police training-na hmun neihchhun a ni a, sawrkar pawhin theih ang tawka a cheibawl lehzual a ngai tih MJA member-te chuan an sawi a. He hmun din tirh a nih atangin dining hall an la neih miah loa, sipai training-ten a theih ang angin dining hall tur an zar chawp thin niin The Aizawl Post chuan thu a dawng.