Pu Zoramathanga’n serious criminal case nei lo – MNF

Last updated Apr 14, 2023 20 0

Pu Zoramathanga’n serious
criminal case nei lo – MNF
NGO pakhat – Association for Democratic Reforms (ADR) in India rama state chief minister hrang hrangte sum lakluh leh thubuai an neih theih dan a zirchiannaah Mizoram chief minister Pu Zoramthanga chu serious criminal case nei anga a tarlan chu thu belhchian dawl lo a ni tih MNF party chuan an sawi.
MNF Gen. Hqrs. thuchhuak chuan, mi thenkhatten thu belhchian dawl lo hmanga ram hruaitute tih mualpho tuma kawng hranga an beihnaah Mizoram chief minister pawhin beihna a tawk nasa thin tih sawiin, chuti chungin an puh hmingchhiat tumnaah court-in thiam a chantir daih tawh avangin tunah hian eng serious criminal case mah a neilo tih a sawi.
‘Chief minister Pu Zoramthanga hi NGO/ARD thenkhatten puh hmingchhiat tum thin mah se, Pathian leh kan ram tan theihtawp chhuaha ram leh hnam a kaihhruaina hnuaiah Mizoramin hmasawnna rahbi a chuangkai mek zel a. Dawt leh tih hmingchhiat tumna hrang hrang karah eng thubuai mah a nei lo,’ a ti.