2023 ah MLA 10 vel nei nei tura beisei kan ni – MBJP thupuangtu

2023 ah MLA 10 vel nei nei tura
beisei kan ni – MBJP thupuangtu
Kumina MLA intlanpuiah an party chu MLA 10 vel nei tura beisei an ni tih BJP Mizoram thupuangtu Lalremsangi Fanai chuan a sawi.
BJP State thupuangtu hian thuchah siamin, Mizorama Autonomous District Council-ah national party hlutna an hriat avangin an party-in hma a sawn hle a, ram pum huap party-ah thutak a awm a, ram hmangaihna pu chungin hnam bil, sakhaw tlem te kan him dawn tih an hmuh vang a ni tih a sawi.
Hmarchhak tribal Kristian zingah party dangin BJP puhchhiat tum ngawr ngawra an beihna pawh kohhran hruaituten thutak zawk an hmuthiam tawh tih a sawi a. Anmahni hmuh dan niloin, midang hmuh danah 2023 MLA inthlanah hian tu party mah sawrkarna siam phak an awm beisei a ni loa, BJP chu MLA 10 vel nei tura beisei an ni tih Lalremsangi Fanai hian a sawi. “A chhan chu, central-a Pu Modi kaihhruai sawrkar anga system tha, ban phakte hmanga kalphung dik sawrkar entawn tur kan duh theuh a ni,” a ti.
VC thlang tur MADC mipuiin VC khawtina BJP chakna an pek chuan, vote chhuah an neih tur chu central-a sawrkar lai, national party – BJP leh MADC-a sawrkar lai nena rem taka thawh ho a ni, tiin, “Politics-ah chuan vote chhuah hlawkna a awm thin tih hre vektu kan ni. Central ministry pawimawh dan chu hmanni Home minister Pu Amit Shah lokal khan India ram pum chanchin thar a nghawng a, kan state-a MNF sawrkar khan lo welcome that loh a hlau hle,” a ti.