Sawrkar lawmman lak lawm
Mizoram sawrkarin ‘Outlook Tech Summit & Swaraj Award for Outstanding in NE State in Agriculture 2022’ leh ‘Good Governance Index, Agriculture and Allied Sector in Hill States 2021’ a lawmman pakhatna a lak chu Hnahlan Village Council chuan Zirtawpni khan lawmna an hmang.
He hun hmanpuitu Agriculture minister C Lalrinsanga chuan Mizoram sawrkar lawmman dawn chu kan zavaia thawhhona leh inlungrualna avang chauha neih theih a ni, tiin, buh leh thlai chin na’na ram cheithat hna – land development scheme chu Lailiphaiah kalpui zel tum a ni tih a sawi a. A zuitu pawimawh tak tuikawng chu a tul anga ngaihtuah tum a nih thu sawiin, a theihna apiangah land development leh all weather road, rigid pavement ti tura hma lak tum a nih thu a sawi bawk.
Hemi hnu hian Agriculture department hnuaia sawrkar hmalaknate enin minister hian Hnahlan Lailiphai a tlawh a, hmalak zel dan tur a enfiah. Zirtawpni vek khan Ngur leh Vapar khua pawh tlawhin khawtlang mamawh thlente chu a tul anga enzui a tum thu a hrilh.
Sawrkar lawmman lak lawm
Get real time updates directly on you device, subscribe now.
Next Post