MNF president, chief minister Zoramthanga chu a khawchhuahna Samthang khuaah ama hming pualin Pu Zoramthanga Rûn siam a ni a. Ningani khan Art & Culture minister R Lalzirliana’n a hawng.
CM Pu Zoramthanga Chawimawina Organising Committee, Samthang bultuma sak Pu Zoramthanga Rûn sakna tur hmunhma leina tiamin senso zawng zawng hi Rs 10,56,115 a ni a; Committee hnatlang vawithum koh niin, hnatlang inchhawk neih a ni bawk. Rûn hawn rual hian Pu Zoramthanga chanchin ziahna lehkhabu an buatsaih pawh minister hian a tlangzarh nghal a ni.
Art & Culture minister hian MGNREGA sum nuai 11 senga sak Vaphai Lal Muala Market Shed a hawng bawk a. Hmasawnna ruhrel siamna atana sum lokalte a nihna ang taka hman a ni chu fakawm a tih thu a sawi.
P&E minister R Lalzirliana hian Vaphai Hmawngpui zaua leilet siamtute power supply pek nan 100 kVA transformer bun tuma hma lak a nih thu a sawi a. P&E department kaltlanga sawrkar hmalakna leh hmachhawp hrang hrang a sawi a ni. Mizorama leilet zau hrang hrang 26-ah power supply pek hna kalpui mek a nih bakah hmathar la turin zau hrang hrang 51 ah cheng vaibelchhe 26 senga hma lak tuma ruahman a nih thu a sawi bawk.
Pu Zoramthanga Rûn hawng
Get real time updates directly on you device, subscribe now.
Prev Post
Next Post