Mizoram University hnuaia Department of Biotechnology leh KVK Khawzawl tangdun chuan Ningani khan Khawhaiah loneitu thlanchhuahte tan Medicinal & Aromatic Plants chungchangah training an buatsaih.
Zirtirna petu MZU professor Dr Ranbir Singh chuan Mizoramah Medicinal & Aromatic Plants chi hrang hrang awm chu chhawr tangkai thiam chuan Mizoramah project lian tak tak sengluh theih a beiseiawm tih a sawi a. Tam tak chu a hralhna tur market awmsa a nih thu leh Citronella-te pawh variety tha zawk chawkluh a, company thawhpui tur zawngin, oil tharchhuahte awlsam takin a hralh theih a beiseiawm tih a sawi. Mizorama Medicinal & Aromatic Plants awmte chu chhawr tangkai thiam chuan kuthnathawktute tan eizawnna ngelnghet siamsaktu a nih theih a ring tih a sawi bawk.
Training hi KVK Khawzawl senior scientist & head Dr Malsawmkimi’n kaihruaiin Dr Ranbir Singh hian powerpoint presentation hmangin Medicinal & Aromatic Plants chi hrang hrang chin leh enkawl dan a zirtir a. KVK Khawzawl subject matter specialist (Soil Science) R Vanlalduati chuan Medicinal & Aromatic Plants chinna tur leilung sawngbawl dan zirtirna a pe a ni.
Training zawh hian KVK scientist-te leh loneitute hi an inkawm a, zawhna an neihte chhan a ni. Loneitute hnenah hian an thlai chinte enkawlna tur damdawi chi hrang hrang a thlawnin an sem bawk.
Ramhmul damdawi chungchang zir
Get real time updates directly on you device, subscribe now.
Prev Post
Next Post