Puantahtute an inphochhuak

Puantahtute an inphochhuak
Sawrkar laipui Ministry of Textiles-a Development Commissioner for Handlooms office chuan National Handloom Development Programme hnuaiah puantahtuten an puan tah hralh chhuahna hmun an neih theihnan state tin tan State Handloom Expo nei turin kumtin target a siam thin a. Kum 2025- 2026 chhung atan Aizawlah pawh Pre Chrismas Special Handloom Expo buatsaih a ni.
Exhibition hi Nilaini khan Agriculture & Farmers’ Welfare minister PC Vanlalruata chuan a hawng a. Exhibition-ah hian puantahtu mi 60-in an thil siamchhuah an pho chhuak. December 16 thleng a awh dawn a. Mizoram hmun hrang hrang atangin puantahtu an rawn inpho chhuak a ni.
Ministry of Textiles aiawh Weavers’ Service Centre Aizawl-in ‘Theme Pavillion’ an buatsaih bawk a. Exhibition tlawhtute tan a awlsam zawknan department hian foodstall 4 a dah a ni.