Pukpui IIDC-ah sawhthingsawngbawlna din ani dawn

Adviser to chief minister (Implementation of Handholding Policy) Dr KC Lalmalsawmzauva chuan Thawhtanni khan Lunglei Pukpuia Integrated Infrastructure Development Centre (IIDC) tlawhin, industry awm sa leh sawhthing sawngbawlna dinna tur hmunhma a enfiah.
Sawrkar flagship programme – Bana Kaih Scheme hnuaiah kuthnathawktute sawhthing thar chu man man zawka hralh a nih theihnan leh a hlutna tipung turin sawrkarin hmun thenkhatah sawhthing sawngbawlna, Ginger Processing Unit (GPU) din a tum a. Lunglei pawh a dinna atan thlan niin, tun tumah hian a dinna tur hmun, kawlphetha leh tui mamawh atana inhmakhua dan leh pawimawh dang enin an sawiho.
GPU dinna tur sum hi DoNER ministry atanga hmuh beisei a ni.
Adviser to CM hian Lunglei IIDC-a industry unit awm sa leh a tihchangtlunna tur ruahmanna a en nghal a. IIDC-ah hian industry unit 10 awm mekin, Promotion of MSMEs in NER & Sikkim Scheme kaltlangin cheng nuai 997.96 sengin flatted factory (factory space 24) sak belh mek a ni bawk.