Stone quarry neitute chu danin a phut angin environmental clearance an neih vek theihna’n Mizoram Pollution Control Board chuan hma a la dawn.
Mizoram Pollution Control Board (MPCB) hi an chairman Rosiama Vanchhong (IFS Rtd.) hoin Thawhlehni khan an thukhawm a. Mizorama lui tui bawlhhlawh zel tur ven a tul zia leh tuihna tihpun a pawimawh zia an sawi a. Lui tuia bawlhhlawh lut zel lo tura a danna siam a tul thu te, lui hnar lama lo leh huan neiten hnim thahna hlo leh leitha hlauhawm hman loh a pawimawh tih sawiin, a kaihhnawih department-ah hriattir nise an ti.
Tunhnaia National Green Tribunal-in Maudarh quarry chim kaihhnawiha environmental clearance neih loh avanga cheng vaibelchhe 70 a chawitir kalzelah quarry nei zawng zawngten environmental clearance lak a ngaih thu sawi a ni a. Sawrkara thuneitu sang leh department kaihhnawihten sawiho a tul thu te, hmasawnna hnathawh dal si loa kalpui dan kawng zawn a tul thu te sawiin, sawrkar finchhuah nise an ti.
Plastic bottle (PET) hrang hrangin ram leilung a tihbawlhhlawh nasat dan leh a hnawk dan an sawi ho a, zirchianna neih nise, a tul anga sawrkarah thurawn thlen zel nise an ti.
MPCB hian boruak bawlhhlawh endikna tur district thar pathum bakah thingtlang khaw pawimawh zual deuh hmun 15-ah a din belh mek a; March thla chhung hian peih hman an tum. Bawngkawna lirthei khu tehna chu titawpin Hlimena Transport department hmunah leh Rangvamualah hawn thar turin an inpeih tawh a ni.
An laboratory pawh thuam changtlung belhin khawl changkang, heavy metals endik theihna tur – Atomic Absorption Spectrophotometer an bun thar bawk.
Quarry neite environmental clearance nei turin ti dawn
Get real time updates directly on you device, subscribe now.