Quarry neitute tuikawr siam turin hrilh
Kawnpui leh Bualpui inkara quarry neitute chu an quarry panna tur kawng an laihin tuiluankawr a hnawh chu thianfai thuai turin Awithangpa Group YMA chuan an hrilh.
Inrinni khan Awithangpa Group YMA hian Kawnpui leh Bualpui inkara quarry neitute hi an hnathawhna hmunah kalchilhin kawngpui atanga an quarry panna kawng an laihin tuiluankawr a hnawh chu rang taka thianfai turin an hriattir a. An ngenna an zawm lo a nih chuan a tul angin hma an la chhunzawm dawn tih an hrilh.
Kawnpui leh Bualpui inkara stone quarry neituten tuiluankawr a hnawh avang hian kawngpuiah tuihawk a luanglut a, chu chuan diak leh nal a siam a; kawngpui chhuat a chhe thuai zel tih hriat a ni a. Hei vang hian kum rei tak chhung helai chhehvel kawng hi chhe takin a awm tawh thin tih Awithangpa Group YMA hian sawiin, an conference rorelnaah hma lak an rel a; kawngpui siamtute pawh rang taka kawngpui blacktop thuai turin an ngen dawn tih an sawi a ni.
Quarry neitute tuikawr siam turin hrilh
Get real time updates directly on you device, subscribe now.
Prev Post
Next Post