Quarter-final lut Alcaraz

Nikum Wimbledon fourth round a paltlang zawh loh hnua a vawi-khatna atan tunlai hian US Open champion Car-los Alcaraz chuan grass leilungah inelna a hma-chhawn ve leh chiah a; Ningani khan a vawikhat telna Queen’s Club Championships mipa singles inkhel pakhatah 6-2 6-3-a Czech Jiri Lehecka hnehin quarter-final a lut a; tun hi a career-a grass chunga tour-nament vawithum a khelhna niin, kum 2021 leh 2022 khan grass-court grand slam Wimbledon-ah a lo inlan ve tawh a ni.
Top seed Alcaraz hian kuminah French Open semi-final lutin, world number one nihna chang bawk mah se se grass leilung hi a thiamna muala ngaih a ni lo a, chuti chungin kum 20 mi hian khelmual hrang hrangah hma a sawn ve zel a, Wimbledon khelh chho mai tur atana in-buatsaihna Queen’s Club Championship-ah pawh a vawikhat chhuahnaah last eight a lut nghal thei.
Spaniard hian tourna-ment tan hma khan grass tuallaia hmasawn a ma-mawhna inpawmin, a match hmasaberah pawh fimkhur takin a inlan a, chuti chungin set thum khelh ngai zawngin French lucky loser Arthur Rinderknech chu Lon-don khawpuiah a hneh hram a ni.
Last eight lamah Alcaraz hian nizan khan Bulgarian Grigor Dimi-trov a hmachhawn a, Dimitrov hi Argentine eighth seed Francisco Cerundolo hnehtu a ni.
Ningani inkhel dang-ah Wimbledon atana third seed Taylor Fritz-a inbuat-saihna a sukuk a, Ame-rican hi Adrian Mannarino chuan 6-4 7-6(7)-in a hneh a, tun kha French-man Mannarino tan top-10 player pahnih a hnehna chiah niin, Ger-many ram tournament-ah a hmain Russian star Daniil Medvedev a lo hneh ve tawh a ni.
Nizan last eight match pakhata kum 24 mi Mannarino tum kha Alex de Minaur niin, Minaur hian inkhel dang-ah 6-2 6-2-in Argentine Diego Schwartzman a paltlang va bawk.
Australian seventh seed Alex de Minaur hian Thawhlehni khan Britain innghahna lian Andy Murray pawh a lo hnawt-chhuak tawh a, a tum hnihna atan Queen’s quarter-final a lut.
World number 18-na luah mektu De Minaur hian semi-final luh inchuh pakhatah amah aia ran-king nei hniam, ranked 46th luahtu France player Mannarino a su leh nghal a ni.
Mipa singles quarter-final khaikhawmna chu – nizan quarter-final result tarlan hman lohah De Minaur leh Mannarino intumin, Lorenzo Musetti (Ita) leh Holger Rune (Den) an insu a; Sebas-tian Korda (US) leh Came-ron Norrie (GB) intum bawkin, Alcaraz leh Dimi-trov inkhela chak zawk pawh tarlan hman a ni lo.