Raducanu leh Gauff an knock out!

Wimbledon grass-a quarter-final la thleng ngai lo British world number 135 Emma Raducanu chu fourth-round match-a New Zealand qualifier Lulu Sun nen an inkhelh laiin deciding set-ah hliamin a tibuai leh a, Centre Court-ah 6-2 5-7 6-2-a tlawmin, ti hian, Wimbledon singles draw-ah tualchhung player hmuh tur an awm ta lo a ni.
British wildcard Raducanu vawtlatu veikhawr Sun kha New Zealand-a piang ni mah se Switzerland hmingin inelna a hmachhawn ngar ngar a, kumin atangin New Zealand hmingin a khel ve tan ta chauh a; All England Club hi a career-a Grand Slam main-draw a luh vawihnihna chiah la ni mah se kum 21-a upa Briton nula tantu ngah hnehin grand slam-ah last eight a lut ta a ni.
Kum 23 mi Sun hian first round-a Chinese eighth seed Zheng Qinwen a hneh nawlh hma zawng khan major tournament-ah hnehna a la chang ngai lo a, tunah erawh grand slam main draw a luh vawihnihnaagh semi-final thleng thut thei dinhmunah a ding te der a, quarter-final lamah Croatian world number 37 Donna Vekic a hmachhawn leh ang.
Fourth round paltlang zo lo langsar zingah second seed Coco Gauff pawh telin, top seed Iga Swiatek tlak hnua women’s singles lama seed chang sangber a tla ve leh ta a ni.
Tarlan tawh angin, karliamta Inrinni khan world number one Swiatek chu rin loh takin Yulia Putintseva lakah a tlawm a, tunah kum 20-a upa American mihang player Gauff pawhin SW19-a a chetfuh theih loh chhunzawmin a chuipui American 19th seed Navarro after falling to a 6-4 6-3 defeat by 19th seed Emma Navarro lakah 6-4 6-3-in a tlawm a; Navarro tan a career-a Grand Slam quarter-final a luh vawikhatna niin, Gauff laka a result hlawhchhuah kha a career-a hnehna lianber a ni nghal bawk.
Wimbledon hi Gauff-i tan Grand Slam khirh ber niin, fourth round a la pel zo ngai lo a; Australian Open leh Roland Garros lamah chuan semi-final thleng ve ve tawhin, nikum khan US Open-ah a major title hmasaber a hlawhchhuak bawk.
Grass-court grand slam tournament-a Gauff mangchhia belhchhahtu Navarro khan amah ang bawka a tumkhatna’na Wimbledon last eight lut ve bawk Italian Jasmine Paolini a hmachhawn leh ang.
Kum 28 mi Paolini tumpui kum 29-a upa Madison Keys chu deciding set-ah hliam avangin a khelh chhunzawm thei lo a, mittui nen khelmual chhuahsanin, French Open finalist Paolini hian kumin tournament hma zawng hian Wimbledon main draw-ah match khat pawh chak a la nei ngai lo!
He thu buatsaih lai thleng hian women’s draw lama top-10 player la dam awmchun chu fourth seed Elena Rybakina leh seeded seventh Jasmine Paolini-te chiah an ni tawh!