Raisi thihna-in a nghawng theih?

Iran President Ibrahim Raisi, May 19 a helicopter chesuala nunna chan thihna chuan Middle East leh a chhehvel region te a barakhaih hle a.
West Asia ah boruak sosan lai niin April thla khan Iran-in Israel drone leh missile hmanga a beih hnu lawk a ni bawk a.
Gaza-a indona la nasa zawlin Hamas leh Israel beitu non-state militant te chu Iran thlawp an ni vek bawk.
Chutih laiin Iran ram chhungah tun hnaiah lungawilohna lantirna a thleng zing a, boruak chiang lo tak karah Iran chu President thar a thlan a ngai dawn bawk a ni.

-- Advertisement --

Raisi kha eng tianga pawimawh nge?
Iran-a semi-repreentative theocratic system ah chuan president thuneihna chu clerical body in an ruat Supreme Leader thuneihna nena khaikhin chuan beitham tak a ni. President hna ber chu sorkar nitin inrelbawlna kalpuia mawhphurhna lak a ni a, policy pawimawh leh long-term strategy te chu Supreme Leader duan vek a ni a, mahse, chung te tihhlawhtlin chu President leh a sokar hna a ni thung.
Tun hma pawhin Iran ramah Supreme Leader leh President te chuan an agenda champion pui an tumna lamah inpawhna a awm tawh a. Mahse, Raisi a president hnuah chuan Supreme Leader thlawp burtu a ni ta thung a ni. Raisi thlak tak Hassan Rouhani hunlai chuan Iran chuan Khawthlang ramte nen kum 2015 khan nuclear deal an siam hman hial a, mahse, US chuan a hnawl leh ta thung a. Raisi hunah chuan Iran chuan strategic leh economic lamah Russia leh China nen thuk zawkin an thawkho a. ‘Axis of resistance’ tia sawi (non-state actorss Hamas, Houthis leh Hezbollah) te tanpuina a tihniam bawk a. Iran nuclear programme tilianin tehran chuan Israel lakah khauh zawkin chetlakna a nei bawk.

A thihna avangin Iran policy a danglam ang em?
President Raisi thihna chuan Iran foreign policy-ah danglaman liantham a siam rin a ni lo. Mahse, sorkar thar chuan ram chhungah erawh danglamna siam a tum nasa ang tih a ni. Supreme Leader Ayatollah Ali Khamenei an Raisi thih thu a puan pawhin sorkar inrelbawlna a buai lovang a ti nghal hmiah a. Iran system-ah Supreme Leader chu a thu ber a ni bur.
Mahse, Raisi thihna chuan Iran leader te ah chona pahnih a siam thung a. Pakhat chu rang takin president thar thlan a ngai a, pahnihna chu Khamenei thlak tur an identify a ngai bawk. Raisi kha hard line cleric, elected president leh judicial chief hlui a nih avangin Khamenei thlak tur bera ngaih a ni a. A thih takah chuan Tehran power corridor ah ruk zautak a siam ta a ni.

Raisi thihna in India a nghawng ang em?
India chuan kum 1979 a Iran revolution atangin inzawmna tha tak Iran nen a nei a. Mahse, tun hnaiah American hrekna avangin sumdawnna lamah hmalak chak theih a ni lo zawk a. Mahse, ram pahnih inzawmna thatzia chu India chuan million tel sengin Iran a Chabahar port project a kalpui mek a. August 2021 a Raisi president atana lakluh a nih pawh khan India External Affairs Miister S. Jaisahnkar chuan a telpui a ni. Iran thlawp Houthis tena Red Sea a lawng kalte an beih lai pawhin Jaishankar chuan Tehran a tlawh a, Houthis te US kaihhruaia beih an nih pawhin India chu a tel ve duh lo.
Tun thlatir lam khan India leh Iran chuan Chabahar port chung changah inremna an siam dun leh bawk a. West Asian criris-ah pawh India chuan fimkhur takin tan lam a nei duh lo bawk.
Raisi vuinaah pawh tel turin India chuan Vice President Jagdeep Dhankhar chu Tehran ah a tir a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More