Reserve Bank of India (RBI) governor hlui Raghuram Rajan chuan Congress leader Rahul Gandhi chu a fak a. Rahul Gandhi pappu tia an nuihsawh lui chu ‘vanduaithlak’ tia sawiin Wayanad MP hi ‘mi smart tak a ni’ tiin a sawi.
-- Advertisement --
“Rahul Gandhi an sawi duh dan hi vanduaithlak ka ti a. Kum sawm dawn \um tam tak titi hona kan nei tawh a. Rahul Gandhi hi pappu a ni awzawng lo. Smart, \halai, dilchhut tak a ni,” tiin Rajan, Congress tena Bharat Jodo Yatra an neih nikum December thlaa Rajasthan-a chhim vetu chuan Davos-a World Economic Forum neihnaah a sawi.
“Eng nge ngaih pawimawh hmasak tur hriat hi a pawimawk a, hlauhthawnna tur awm te chutah zirchianna neih zui te. Chutiang tur chuan Rahul Gandhi hian theihna a nei kim hle a ni,” tiin a sawi.
Party zawm ve a tum loh thu sawi chiangin Rajan chuan Gandhi ruala yatra a zawm vena chhan chu Bharat Jodo Yatra hlu a tih vang a nih thu a sawi bawk.
Rajan hi Narendra Modi sorkar in demonetisation an kalpui leh an economic policy te sawiseltu langsar tak a ni a. BJP te political leh social agenda te chu economic slowdown thlentu a ti a ni.
Rajan hi September 2013 a\ang September 2016 inkar khan Reserve Bank of India Governor 23-na a ni a. International Monetary Fund ah pawh Chief Economist leh Director of Research pawh lo ni tawh a ni.
Raghuram Rajan thusawi hi chhang letin BJP leader Amit Malviya chuan Rajan chuan ‘Manmohan Singh thlaktu nih a chak’ tiin a sawi.