Rajya Sabha session January 31-ah nei tan ang

Rajya Sabha 259th session chu January 31 ah tan ni dawnin April 6-ah a tawp ang tiin Rajya Sabha secretariat chuan a tarlang.
Finance Minister Nirmala Sitharaman chuan February 1-ah Union Budget 2023-24 a pharh ang a.

-- Advertisement --

“President chuan Rajya Sabha inhmuhkhawmna Thawhlehni 31st January 2023-ah a ko va. Session hi 6th April 2023-ah a tawp ang,” tiin thuchhuah chuan a tarlang.
Parliament Budget session hi January 31-ah President Droupadi Murmu chuan Lok Sabha leh Rajya Sabha joint sitting-ah thusawina neiin tan a ni dawn a ni.

Session-ah hian thutkhawm 27 a awm ang a, April 6 ah tawpin budget paper-te zirchianna turin thla khat chawlh lailawk a ni ang, tiin Parliamentary Affairs Minister Pralhad Joshi chuan a sawi.
“Budget Session, 2023 hi 31 January atanga intanin 6 April thlengin thutkhawm tum 27 awmin chawlh te nen vek ni 66 a awh ang,” tiin tarlan a ni.

14 February atanga 12 March inkar chu chawlh a ni ang a, hetih chhung hian Parliamentary Standing Commitee ten Demands for grants te zirchianna an nei thei dawn a ni, tiin Joshi chuan a sawi bawk.

Finance Minister Nirmala Sitharaman chuan February 1-ah Union Budget a pharh dawn a ni. Budget Session thawhkhatna chu February 13-ah a tawp ang a, March 13-ah thawh hnihna neih tan leh a ni ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More