Ral relin hma kan la dawn
– Zoramthanga
MNF party chuan insiamthat an ngaihna laiah insiamtha in ral relin hma an la lehnghal dawn tih an president, chief minister Zoramthanga chuan a sawi.
Thawhtannia an party office-a inkhawmah MNF president chuan Lunglei Municipal Council inthlanah MNF an tlak fai vek avanga rilru a hrehawm thu a sawi a. Lunglei mipui duhthlanna an hria a, an ngaihthah dawn lo tih a sawi.
“Lungleiah sawrkarin kan tih tur kan tih loh te, tih loh tur kan tihte avangin pawi kan ti a, an hriatthiamna kan dil a ni,” a ti a. LMC inthlana an tlakna leh party mite vuinaah insiamthat an tum tih a sawi a ni.
MNF chu pa chan chang an ni a, lungawilohna lantir chu a elsen zawngin an la ngai loa, anmahni kaiharhtuah hmangin a aia tha zawkin hma an la thin, tiin Zoramthanga hian a sawi. “MNF nge nge, hnam thinlung putu, an tih theih na’n Lungleia kan tlakna hi inensan a hnekin kan ngaihsak sauh dawn. Serchhip bial pawh bial dangte thik khawpin kan duhsak hlauh thung a. Tuirial by election-ah a rahchhuah kan hmu tawh. Naktuk naktip atangin ral relin hma kan la nghal dawn,” a ti.
Chief minister chuan India sawrkar atanga an sum hmuh tur cheng vaibelchhe 3000 vel an hmuh loh chu hmu nise, harsatna tam tak hi sutkian a ni dawn tih sawiin, sawrkar term thara insiamthat hman a beisei tih a sawi. Burma raltlan lo lutte chu India sawrkarin umlet vek turin ti mah se, kan unaute an ni a, kan hum tlat dawn, tiin Prime minister hnenah raltlante enkawlna thawh turin an ngen zawk tih a sawi a. A hnu ah India sawrkar hian a rawn thawh ve nghe nghe niin a sawi. “Hetiang hian tu state mahin an ti ve ngam lo,” a ti.
Ral relin hma kan la dawn – Zoramthanga
Get real time updates directly on you device, subscribe now.