Ralthuam lei tam ber zingah India tel

Khawvel pum huapin ramin ralthuam a lei a pung nasa hle a, India pawh 2021-25 chhunga ram dang atanga ralthuam lei tam zual panga zingah a lang.
Ukraine chu 2021–25 chhunga ralthuam lei tam ber ram niin India, Saudi Arabia, Qatar leh Pakistan ten an dawt a. Heng ram pangaten an lei hi khawvel puma ramin ram dang atanga ralthuam a lak luh 35% zeet a tling a ni.
Asia khawmualpuia ramte leh Oceania ram an tihten ralthuam an lei chu 2016–20 aiin 2021–25 chhungin 20%-in a tlem zawk a. Hetiang hi ni mah se India chu khawvela ralthuam chaw lut tam ber zingah a la tel tho a ni.
US chu 2021-25 chhung hian ram dang hnena ralthuam hralh chhuak hnem ber niin hralh zawng zawng 42% chu anmahni hralh a ni a. France, Russia, Germany leh China ten an dawt a. India pawhin US hi a dawr nasat rualin thlawhna bikah chuan Paris leh Moscow a leisak tam hle a ni.
Kum 2016-20 chhunga khawvel puma ralthuam hralh leh lei aiin 2021–25 chhunga lei leh hralh hi 9.2%-in a tam zawk a. US leh USSR inep vanglai, Cold War a tawp hnua lei leh hralh a tam ber hun lai a ni phak hial a ni.