Raltlan biometric enrolment 89% vel zo tawh

Myanmar atanga Mizorama raltlante chhinchhiah nan biometric enrolment tih mek a ni a, raltlan 89% velah he hna hi zawh fel a ni tawh tih thu dawn a ni.
Home department chhinchhiah danin, raltlan 26,049 te chu biometric enrolment hi tih zawh tawh a ni a, chu chu Myanmar atanga raltlan 28,962 vel atangin 89.94% vel a ni.
District thenkhatah chuan zaa za an zo tawh a, Champhai, Azawl, Lunglei leh Serchhip district-ahte biometrict enrolment hi 100% zawh fel a ni tawh.
Champhai district hi Myanmar atanga raltlan an tam berna a ni a, Aizawl leh Lunglei district-te pawh hi an tamna an ni. Serchhip hi chu an tlemna a ni.
Chutih laiin Mizoram Police te’n kumin January ni 7-a raltlan zat an chhiarah chuan Myanmar atanga raltlan hi 25,590 an ni a, hemi atanga chhut chuan biometric enrolment tih zawh tawhna hi 89% aiin a sang.
Thuneitute sawi danin, raltlan hi an chet reng avangin an tam lam pawh hi a inthlak reng lo thei lo a, thla hnih khat lekah a danglam thin. An khua a ralmuan deuhva kir an awm reng a, awm hlen tum chuang lova kir te, hmun danga insawn te an awm deuh reng avangin an tam lam pawh hi a danglam deuh reng.
Tuna biometric enrolment tih zawh tawhna, raltlan tam berna Champhai district-ah hian, police-te chhinchhiahna January ni 7-a mi-ah chuan 13,098 an ni a, Aizawl district-ah 4303, Lunglei district-ah 1590, Serchhip district-ah 711 an awm.
Bangladesh atanga raltlante pawh biometrict enrolment hi tih tur a ni a, tam vak loh chu zawh fel a ni tawh tih thu dawn a ni.