Raltlan luh belh leh

Hun engemaw chen raltlan lut thar an awm loh hnuah lut thar hi an awm leh a, mahse a hma anga tam chu an ni lo.
Tun hnaiah Myanmar atangin Mizoramah raltlan an luh belh a, mi 30 chuang an ni.
Lut tharte hi Hnahthial district-a tlan lut an ni a, Chin state-a mite niin, indonaa tel tura nawrna tlanchhiatsana Mizoram pan an ni tih thu dawn a ni.
2021 February ni 1-ah Myanmar-ah sipaiin sorkarna an pawng lak a, hemi hnu hian Mizoramah a sing tel an tlanchhia a ni.
Mizoram Police te’n an chhinchhiah danin, April ni 7 khan Myanmar atanga raltlan Mizorama awm mek hi mi 24610 an ni a, mipa 6961, hmeichhia 7464 leh naupang 10185 tiin an chhinchhiah.
Raltlan hi a hma angin nikum lamah pawh an lut thar meuh tawh lo a, a hlawma tam thama lut phei chu an awm lohna a rei tawh. Tun hnaiah mi 30 chuang an lut leh a, nikum lam atangin raltlan awm zat tlahniam mah se 30 velin an pung leh dawn tihna a ni.
Raltlan tharte luhna Hnahthial district-ah hian a hmain raltlan hi mi 622 an lo awm sa a ni.