Raltlan tan buhfai sem

Raltlan tan buhfai sem
Myanmar leh hmundanga tualchhung buaina avanga sahimna zawnga Mizorama rawn lut te tan Mizoram Home department kaltlanga buhfai sem tura ruahman chu Thawhlehni atang khan Mamit district-ah pawh sem tan a ni.
Buhfai hi Mamit bawrhsap pisa atanga semchhuah a ni a. Raltlan awm tamna leh relief camp awmna Dapchhuah leh Nghalchawmah pek hmasak a ni.
Mamit district-a raltlante tana buhfai sem tur hi a vaiin bag 373 (quintal 184.04) niin, mi pakhat zelah kg. 31.5-a sem tura tih a ni. Mamit district-a khaw hrang hranga raltlan awmte hnenah kumin chhunga sem zawh vek hman tum a ni.