Tun hnaiah Mizoram Board of School Education
(MBSE) buatsaih HSLC (pawl 10) leh HSSLC (pawl 12) result a chhuak a, raltlan zirlaite’n an ti tha fu mai.
Raltlan zirlaite hi thliar an ni lo a, ‘regular student’ zingah dah an ni. Hei vang hian an result hi chiang faka hriat a har a, an tam lam pawh hriat a har. MBSE lam atanga thu dawn danin, HSLC-ah raltlan zirlai hi 41 an awm a, HSSLC-ah chuan an awm lo tiin a sawi theih.
HSLC-ah raltlan zirlai 41 zinga pahnih an fail a, pakhat chu hri vanga exam kim thei lo, compartmental exam leh tur a ni.
Hriat theih chinah raltlan zirlai pali chuan first division-ah an pass a, paruk chu second division-ah, 18 chu third division-ah an pass.
Exam tura form fill up zingah mi 10 an absent a, anni hi an exam loh chhan hriat a ni lo.
HSSLC result thar berah raltlan zirlai an lang ta lo a, pakhatin form a fill up a, mahse a exam ta lo tih thu dawn a ni. Ani hi a exam loh chhan hriat a ni lo.
Raltlan zirlai, HSLC exam-te hi district hrang hranga sikul hrang hranga lut an ni a, sikul pakhatah chuan mi 24 an awm. Hei hi an hlawm tamna ber a ni a, mi panga luhna sikul pahnih a awm bawk.
Raltlan zirlaite’n ti tha
Get real time updates directly on you device, subscribe now.
Next Post