Raltlante’n hri danna la vek tawh Mi sang chuangin Covid-19 vei tawh

Raltlante’n hri danna la vek tawh
Mi sang chuangin Covid-19 vei tawh
Mizoramah Myanmar atanga raltlan mi singthum chuang an awm mek a, an vai hian Covid-19 hri danna pek an ni tawh. Raltlante hi hri len laia Mizorama tlanlut an ni a, an zingah hian mi sang chuangin hri an vei tawh.
Mizoram State Control Room in Covid-19 lamin March ni 4 thlenga an chhinchhiah danin, Myanmar atanga Mizorama raltlan mi 31718 te’n hri danna an la tawh a, raltlan zingah hian mi 1257-in hri an vei tawh.
Raltlan zingah hian vanduaithlak takin Mizorama Covid-19 vanga nunna chan mi paruk an awm tawh bawk.
March ni 4 thlengin Mizoramah Myanmar atanga raltlan hi mi 31718 an awm a, an zinga mi 30697 chu chhinchhiah fel (identification) an ni tawh.
Mizoram sorkarin raltlante hi felfai taka chhinchhiah tur a ti a, hemi atan hian state level, district level leh village/local level-ahte committee din a ni. Chung committee chuan raltlante hi an hming leh nihna, dinhmun hrang hrangte chhinchhiahin ID card an pe a ni.
Thu dawn danin, raltlante hi che sawn reng an ni a, a ralmuan deuhva mahni khaw lama kir leh te, chumi hnua Mizoram lama let leh te, Mizoram chhungah pawh engemaw zat chu awmna sawn te an nih avangin an tam lam pawh hi a danglam reng a, a chhinchhiah hna pawh hi duh angin a chak thei lo.
Bawrhsap tinin mahni district theuhva raltlan zat an chhinchhiah danin, a hma ang bawkin Champhai district-ah raltlan hi an tam ber a, mi 10226 an awm. Siaha District-ah mi 7872 an awm a, Lawngtlai District-ah mi 5654 an awm