Ram entawntlak ni tur chuan tlachawp taka ro rel leh thil tih a chi loh a, hmathlir tha tak neih a pawimawh tih chief minister Zoramthanga chuan a sawi.
Bilkhawthlira PWD Rest House leh chowkidar quarter thar chu Nilaini khan chief minister hian a hawng a. Kum 2020 March-a ama hoa a sakna tur hmun an lo thlithlai tawh leh an buaipui tawh kha hrilengin bumro mah se, hawn theih a ni ta chu lawmawm a tih thu a sawi. Harsatna leh buaina hrang hrangin tibuai mah se, history atangin indopui avanga ram tluchhia leh retheih phahte an intundin dan leh hausa taka an insiam chhoh leh dan hmuh tur a awm angin, Mizoram pawh tumruhna nen hma la in, dinhmun tha leh sang zawkah kan inhlang thei tih a chiang a, chumi tur chuan inbuatsaih a tul tih a sawi.
“Hmathlir – vision tha tak neih a pawimawh a; ram entawntlaka kan insiam dawn chuan tlachawp taka rorel emaw tlachawp taka thil tih zel a chi loh,” tiin, mahni hmazawn theuhah theihtawp chhuah theuh turin a chah.
Serlui bialtu MLA Lalrinsanga Ralte chuan Bilkhawthlirin mikhual thlenna tur changtlung tak a neih theihna’na sawrkar hmalaknaah lawmthu sawiin, Bilkhawthlir tana hmasawnna ruhrel mamawh sawrkara an thlen te chu sawrkarin a lo ngaihtuah zel a, tihhlawhtlin a ni thin tih a sawi.
Chief minister hawn tak rest house leh quarter hi cheng nuai 412.39 senga sak a ni a. 2020 December 15-a thawh tan niin, kumin February 28 khan zawh a ni. Contractor chu Lalramsanga, Tanhril a ni. Rest House hi chhawng thum a ni.
Ram entawn tlaka nih dawn chuan tlachawp taka rorel a chi loh – CM
Get real time updates directly on you device, subscribe now.
Prev Post